.png)
កាយសម្បទារបស់ Lionel Messi នៅតែស្ថិតក្នុងភាពស្រពេចស្រពិល មុនការប្រកួត Copa America វគ្គ៨ក្រុមចុងក្រោយនៅថ្ងៃព្រហស្បតិ៍ ជាមួយអេក្វាឌ័រ ស្របពេលគ្រូបង្វឹកជម្រើសជាតិអាហ្សង់ទីនលោក Lionel Scaloni បាននិយាយថា គាត់នឹងរង់ចាំមុនពេលសម្រេចចិត្តលើក្រុមរបស់គាត់។
Messi បានខកខានការប្រកួតវគ្គចែកពូលចុងក្រោយរបស់អាហ្សង់ទីនកាលពីថ្ងៃសៅរ៍ ខណៈការប្រកួតនោះក្រុពពកសយកជ័យជម្នះ 2-0 លើក្រុមជម្រើសជាតិប៉េរូ ដោយសារឈឺចាប់ត្រង់ឈឺសរសៃពួរជើងខាងស្តាំ។ អាហ្សង់ទីននឹងរៀបចំការហ្វឹកហាត់នៅពេលក្រោយនៅថ្ងៃពុធនេះ ហើយ Scaloni បាននិយាយថាគាត់នឹងធ្វើការសម្រេចចិត្តណាមួយនៅពេលក្រោយ។
គាត់បានប្រាប់សន្និសីទសារព័ត៌មានមួយថា៖ «យើងនឹងរង់ចាំពីរបីម៉ោង ហើយធ្វើការសម្រេចចិត្ត។ វាតែងតែប្រសើរដែលយើងអាចត្រៀមមួយថ្ងៃបន្ថែមទៀត" ។
លោកបានបន្ថែមថា៖«កាលពីម្សិលមិញ ពួកយើងមានអារម្មណ៍ល្អ ហើយយើងនឹងយកថ្ងៃនេះ ដើម្បីកំណត់ក្រុមដោយផ្អែកលើការឆ្លើយតបដែលយើងទទួលបាននៅថ្ងៃនេះ» ។
Scaloni បាននិយាយថា គាត់នឹងពិគ្រោះយោបល់ជាមួយ Messi អំពីការត្រៀមខ្លួនរបស់គាត់សម្រាប់ការប្រកួតនេះ។
«យើងនឹងព្យាយាមនាំគាត់ចូល ហើយបន្ទាប់មក ប្រសិនបើគាត់មិនទាន់ (រួចរាល់) យើងនឹងស្វែងរកដំណោះស្រាយដ៏ល្អបំផុតសម្រាប់ក្រុម។ ខ្ញុំនឹងនិយាយជាមួយគាត់នៅថ្ងៃនេះ។ ខ្ញុំគិតថាវាយុត្តិធម៌ណាស់ដែលគាត់ចំណាយពេល និងហ្វឹកហាត់ តាមដែលអាចធ្វើទៅបាន»។